Ата-аналарға

01

Тамақтану

Балабақша бойынша күн тәртібі бағдарлама талаптарына сәйкес орындалады. Күндегі ас мәзірі құрастырылады. Балабақшада тәрбиеленіп жатқан балаларға үш мезгіл ыстық тамақ әзірленеді. Тамақ құрамында жылдың кез-келген мезгілінде көкөніс өнімдері мен жеміс-жидектер, сүттен жасалған тағамның барлық түрлері үзілмейді. Балабақшаға әкелінген азық-түліктердің барлығы сертификатталынған немесе азық-түліктің қауіпсіздігін растайтын басқа да құжаттары бар. Ас блогының санитарлық-гигиеналық жағдайы барлық талаптарға сәйкес келеді. Асханаға керекті барлық құрал-жабдықтар жеткілікті. Асхананың санитарлық жағдайына бақылау жасалып тұрады. Азық-түліктің сапасына және дайын азық-түліктің сапасы мен мөлшеріне бақылау жасалады.

02

Қауіпсіздік

Балалардың қауіпсіздігі – қоғамның барлық саласындағы маңызды міндет. Балабақша – біртұтас ағза іспетті, ондағы барлық қызметкерлер өздеріне сеніп тапсырылған балалардың өмірі мен денсаулығын сақтау және олардың қауіпсіздігі үшін жауапкершілікті толық өз мойындарына алады. Балабақша аумағында орналасқан жабдықтар (шағын формалар, денешынықтыру құралдары және т. б.), балабақша ғимараты, топтық үй-жайлар мен кабинеттер жылына екі рет міндетті түрдегі тексеру актілері жасала отырып қаралады. Сондықтан да тәрбие процесіне қатысушылардың қауіпсіздігін қамтамасыз ету – кез келген басшының міндеті. Мектепке дейінгі балалардың жас ерекшеліктеріне сай өртке қарсы, санитариялық, техникалық нормалар мен ережелердің сақталуы бақшадағы қауіпсіз жағдайлардың кепілі болып табылады. Білім беру процесіне қатысушылардың қауіпсіздігін қамтамасыз ету туралы ережені қамтитын негізгі нормативтік құқықтық акт «Білім беру туралы» ҚР Заңы болып табылады. Аталған Заңның 45-бабының 3-тармағының 4) тармақшасына сәйкес, білім беру процесі кезінде тәрбиеленушілер мен жұмысшылардың өмірі мен денсаулығы үшін жауапкершілік білім беру ұйымының басшысына жүктелді. Балабақша қызметкерлерінің қауіпсіз еңбек жағдайын жасаудың маңыздылығы да одан кем емес

03

Бабалақша ережелері

Баланы топтың күн тәртібіне сәйкес тәрбиешінің қолына тапсырып және алып кететін кезінде тек қана ата-анасы алу керек . Әрбір топ жылдық оқу-тәрбие жұмысының жоспары негізінде бала жасына және мүмкіндігіне сәйкес жұмыс жасау. Егер балабақшада бала денсаулығының нашарлағанын сезсе, онда балабақша медбикесі алғашқы көмек көрсетеді, ата-анасын шақырады, өте қажет болған жағдайда «жедел жәрдем» шақырады. Бала науқастанып келмеген жағдайда немесе демалыста болған жағдайда дәрігерден анықтама алып келуі тиіс (таңертеңгі қабылдау кезінде топ тәрбиешісіне тапсыру керек). Күнделікті серуенге 2 рет шығарылады: «қолайлы киінсеңіз жаман ауа райы жоқ» (қолайсыз ауа райы немесе басқа да жағдайларда серуендеу кейінге қалдырылады). Баланың жалпы келбетіне тиісті шараларды орындау керек:таза, ұқыпты түрі, барлық киіммен аяқ киіміндегі түймелері мен замоктары салынып туру керек;мұнтаздай таза беті;мұрыны, қолы таза болуы, тырнағы қиылған;ішкі киімдерінің таза болуы;

04

Медициналық қызмет

Медицина қызметі жоғары деңгейде. Білікті медициналық кадрмен қамтамасыз етілген. Балалар мен олардың ата-аналарына ақыл кеңестер берумен қатар іс жүзіндегі емдеу ісі де жүргізіледі. Балаларды шынықтыру шараларын бақылап, аурушаң балаларды «Д» есебіне алады. Ата-аналарға сәбилердің денсаулықтары жайлы мәлімет беріп отырады және оқу жұмыстарын уақтылы жүргізеді. Туберкулезға қарсы балаларды тексеріп отырады. Топтағы балалардың антрометриялық мәліметіне талдау жасалып отырады. Балалардың дене тәрбиесіне бақылау жасалады. Ас мәзірі уақытында құрылып, балалардың тамақтарына бақылау жасалады. Балалардың балабақшаға кіруіне байланысты ата-аналармен нұсқау жүргізіледі. Тәрбиешілермен, тәрбиешінің көмекшілерімен, асхана қызметкерлерімен санитарлық мөлшермен дезинфекциялық тәртіпті сақтау жайлы түрлі сабақтар өтіледі. Балалардың ауруларын төмендету бойынша түрлі іс-шаралар жүргізіледі, санбюллетендер шығарылады. Салауатты өмір салтын қалыптастыру жұмысы жөнінде айлықтар мен онкүндіктер жоспары құрылған.

05

Ата-аналармен жұмыс

Ата-аналарды бөбекжай-бақшаға тарту, баланы тәрбиелеу мен дамыту процесінде өзара әрекеттерінің түрлі стратегияларын құру, отбасылық тәрбиені іске асыруда психологиялық-педагогикалық қолдау көрсетіледі. Ата-аналарды бөбекжай-бақшаның ұйымдастыру тіршіліктеріне қатыстыру, балалардың шығармашылық жұмыстарына атсалысуға шақыру,отбасы және бөбекжай-бақша ынтымақтастығын жүзеге асыруларына жағдай жасалады. Мамандармен (психолог, тіл мамандары) жеке кеңестер беру үшін жағдай жасалған. Ата-аналарға мамандардың жұмыстарымен танысуға, балаларының мәселелері мен ой-өрісінің жетілуі,олардың физикалық даму мәселелері туралы ақпарат алуларына мүмкіндік берілген. Тәрбиешімен ата-ананың баланы тәрбиелеу мен дамыту бойынша бірлескен әрекеттері ұйымдастырылған. Педагогикалық білімдерін жетілдіру көрнекілік- үгіттеу жүйесі арқылы жүргізіледі: жылжымалы папкалар, видео фильмдер, жаднама-нұсқаулар, сурет көрмелері, ата-аналар бұрыштары және т.б.